السلام عليكم
انا بكتب الحلقات دية عن تجارب يويمية ليه
وانا حابب اكتب عن رجيم لسة بادئ فيةيا تري هقدر اكملة o.O
اليوم الثاني بتاريخ 4/11/2013
فطرت الصبح الفطار المحدد ليا بيضتين ونص برتقالة زي القبلة :D
وبردوا مش جعان مع اني متعشتش امبارح
يومي الدراسي بدأ 8.30
لغاية 12.30 كان عندي سكاشن ل 4.30 بس الكلية وقفت النشاط اصل كانت محاكمة الرئيس السابق محمد مرسي وكانوا خايفين من المظاهرات وان الطلاب متعرفش تروح
بدأت احس بشوية جوع خفيف كدة روحت كارفور اشتري جبنة و عيش توست اصل دة الغداء بتاعي النهاردة وبعدها روحت اشتريت كتاب اسمه "الخميائي" و "1984 ل جورج أورويل"
علي فكرة الخميائي بجد كتاب اكتر من رائع لو تعرفوا تجبوة يا ريت وادي اي حاجة تشغلنا عن الاكل :D
لسة لغاية دلوقتي ماوزنتش نفسي قلقان اوزن نفسي وبعد الرجيم الاقي نفسي ما خستش :(
المهم المرة دي اتغديت الساعة 3
جبنة وطماطم وشريحة عيش توست
اهم حاجة الجبن يكون خالي الدسم
بعد ما اكلت محستش بالشبع فضربتلي جزراية :)
جت الساعة 8 و معدتي بتصوص قولت اتعشي وامري لله
اكلت 3 شرائح كبدة مشوية و سلطة
المفروض كانوا يبقوا لحمه بس مش مهم كلة بروتين
الساعة دلوقتي 9.41 وانا مش عارف اركز خالص مش شايف قدامي وجعان شوية
اه صحيح امبارح ما اتعشتش ونمت خفيف وصحيت مش جعان :D
انا بفكر بعد كدة اصوم منها عبادة ورجيم بس مش عارف الصوم اية نظامة هعرف اكمل اليوم مع الدراسة :O واية تأثير الصوم علي فقد الوزن
هبقي اشوف الموضوع دة علي الانترنت بكرة
دقوقتي انا هقوم انام علشان اصحي بدري اذاكرلي كلمتين
اها صحيح كل سنة وانتوا طيبين بكرة رأس السنة الهجرية :)
اشوفكوا بكرة علي خير ان شاء الله :)
سلام 3>
يا ريت حد لو حد عاوز يخس وشاف الموضوع يسيب تعليق اهو نشوف مين فينا الهيكسر الرجيم الاول :)
0 التعليقات :
إرسال تعليق