السلام عليكم
انا بكتب الحلقات دية عن تجارب يويمية ليه
وانا حابب اكتب عن رجيم لسة بادئ فيةيا تري هقدر اكملة o.O
اليوم الاول هو يوم احد بتاريخ 3/11/2013
ودعت الطعام والاكل وبدأت في الرجيم
فطرت الصبح الفطار المحدد ليا بيضتين ونص برتقالة
بصراحة مكنتش جعان اوي بس قولت مش مهم لازم افطر علشان جسمي يحرق
اصل الجسم دة مكار لو انت مفطرتش الصبح بفهم انك داخل مجاعة :D ويحلف انة مش حارق من العندة غير لما تاكل ^^
رحت الكلية الساعة 10.30
طول فترة الدراسة محستش بجوع خالص بس دايما عمال بفكر يا تري هعرف اذاكر و اعمل رجيم مع بعض :O
ولا زي اي حاجة تانية بعملها مش هكمل ....
خلصت محاضراتي وسكاشني علي الساعة 6.30 كنت في البيت 7.30
وبردوا لسة مش جعان :D
اصل كنت عامل حسابي يوم السبت وواخد حقي وزيادة في كل حاجة :)
روحت مش عارف اتغدي ولا اتعشي في الساعة دية قولت اديها غدا وخلاص
بعد تقريبا ساعة من الغداء بدأت احس بجوع خفيف :O
مش مهم انا كدة كدة هذاكرلي شوية و بعدها ادخل انام خفيف من غير عشاء
اه صحيح الغداء النهاردة كان طمطاية و برتقالاية و شريحة لحم
يلا يا رب اعرف اكمل الكام ساعة من غير ما اتخانق مع بطني اصلها هتبقي مصيبة اني ابوظ النظام من اول يوم
اه صحيح نسيت اقولكم انا حوالي من 92-95 كيلو :)
ان شاء الله اكتبلكوا بكرة حصل اية
يا ريت حد لو حد عاوز يخس وشاف الموضوع يسيب تعليق اهو نشوف مين فينا الهيكسر الرجيم الاول :)
سلام 3>
0 التعليقات :
إرسال تعليق