السلام عليكم
انا بكتب الحلقات دية عن تجارب يويمية ليه
وانا حابب اكتب عن رجيم لسة بادئ فيةيا تري هقدر اكملة o.O
اليوم الثالث بتاريخ 5/11/2013
زي كل يوم فطرت بيضتين وبرتقالة
كان النهاردة اجازة رأس السنة الهجرية كل سنة وانتوا طيبين
قاعد في البيت واليوم ممل اخر حاجة ومش بفكر في حاجة الا الاكل :O
زهقت من القاعدة اولت انزل اجبلي شوية حاجات محتاجها
نزلت الساعة 1 ورجعت حوالي الساعة 7 بس لفيت لف كتير اوي علي رجلي انا بيتهيألي اني حرقت يومين زيادة من اللف دة وطبعا ما اتغدتش
المفروض كان الغداء يبقي فاكهه صنف واحد وبأي كمية
لما روحت كنت ميت من الجوع قولت اتعشي بدري شوية علي الاقل اهضم قبل ما انام
عملت طبقة سلطة كبير و جنبة لحمه مسلوقة واكالت ولسة جعان شوية
كان الوقت مش راضي يمشي مش عاوز انام بدري علشان ما اصحاش بدري واجوع اكتر
رحت جايب كتاب الخميائي وبدأت اقرأ فية ^^ انا وصلت للصفحة 101 علي فكرة الكتاب رائع
المهم انا مش بشرب مياة كتير مش عارف دة عادي ولا وحش بالنسبة للرجيم
دخلت نمت الساعة 11 وصحيت الساعة 8 الصبح :D
بس مش جعان ولسة بردوا موزنتش نفسي :(
اشوفكوا بكرة علي خير ان شاء الله :)
سلام 3>
يا ريت حد لو حد عاوز يخس وشاف الموضوع يسيب تعليق اهو نشوف مين فينا الهيكسر الرجيم الاول :)
0 التعليقات :
إرسال تعليق